Rais wa Tanzania, Dkt. Samia Suluhu Hassan, amesisitiza kuwa historia itawahukumu vikali Viongozi wa Jumuiya ya Maendeleo ya Nchi za Kusini mwa Afrika (SADC) na Jumuiya ya Afrika Mashariki (EAC) kama watakaa kimya na kutazama mzozo unaoendelea nchini Jamhuri ya Kidemokrasia ya Congo (DRC) bila kuchukua hatua za haraka kutafuta suluhisho la kudumu.
Akizungumza katika mkutano wa pamoja wa Wakuu wa Nchi na Serikali wa EAC na SADC uliofanyika Ikulu, Dar es Salaam, leo Februari 8, 2025, Rais Samia alisema, "Kama wote mnavyofahamu, DRC ni mwanachama wa Jumuiya zote za EAC na SADC, na inakumbana na mzozo wa muda mrefu ambao umeathiri nchi jirani. Athari za mzozo huu zimeenea na kusababisha madhara makubwa kwa maisha ya binadamu, mali zao, na biashara katika mipaka ya DRC."
Rais Samia aliongeza kuwa, "Historia itatuhukumu vikali kama tutakaa kimya na kutazama hali ikiendelea kuwa mbaya. Nchi zetu kwa pamoja zina jukumu la kuhakikisha tunamaliza mzozo huu. Mkutano huu unalenga kutafuta suluhisho la kudumu ambalo litamleta amani kwa wananchi wa Congo, amani ambayo imevurugika kwa miaka mingi."
Akiendelea, Rais Samia alisema Tanzania inaumizwa na hali ya Mashariki mwa Congo na kwamba inafuata kwa karibu mzozo huo. Alisema, "Nchi yangu inaunga mkono mazungumzo ya kidiplomasia yanayoendelea ili kumaliza mzozo wa DRC. Tunatoa wito kwa nchi zote zinazohusika na mzozo huo kushiriki kwa mtazamo chanya kwenye mazungumzo haya, kwa kuzingatia maslahi ya amani za watu wa nchi zao."
Rais Samia alimalizia kwa kusema, "Kukutana kwetu hapa Dar es Salaam ni fursa nzuri ya kujadili njia bora ya kusaidia kudumisha usalama na amani na kutatua changamoto zinazozikumba nchi zetu. Tunatakiwa kuwa na uhakika kuwa mkutano huu utazaa matunda, na nawaomba tushirikiane katika mapambano yetu ya kudumisha amani, ili maendeleo yawepo kwa kasi."
Trump Alizuia Israel Isimshambulie Kiongozi wa Iran
ISRAEL yaishambulia Syria, kadhaa wahofiwa kupoteza maisha
MAKAMPUNI MENGI YA KIGENI YANAHITAJI MAFUNDI WENYE UJUZI UNAOKUBALIKA KIMATAIFA.
"Mzozo wa Ardhi Nchini Afrika Kusini: Trump Afunga Msaada wa Kifedha Kufuatia Sheria ya Unyakuzi wa Ardhi"
MABADILIKO YA SERA YA ELIMU KUAKISI MABADILIKO YA KITAIFA NA KIMATAIFA.
Mfalme wa Mashairi Awasha Moto wa Uzalendo: “Kura Yako Ni Silaha”
MUFTI ATAKA WAISLAMU KUZINGATIA MAFUNDISHO YA AMANI KUELEKEA UCHAGUZI MKUU OKTOBA 29.
DOWOSA Yawaokoa Wanawake Dodoma Kutoka Mikononi mwa “Kausha Damu”
VIONGOZI WA DINI WAHIMIZA KUWAKATAA WASIOHESHIMU MISINGI NA TUNU ZA NCHI
Huduma za Uwakala CRDB Zachochea Ukuaji wa Mapato ya Serikali na Ujumuishi wa Kifedha
BADO TUNAMUHITAJI POLEPOLE KWA MKURUGENZI WA UPELELEZI- POLISI
BRIGEDIA JENERALI NDAGALA AFUNGUA KONGAMANO LA WADAU WA USIMAMIZI WA MAAFA JIJINI MBEYA
Mkomi Awasisitiza Wakuu wa Taasisi Kusimamia Mifumo ya Kielektroniki Serikalini.
WAZEE WAASWA KUHAMASISHA JAMII KUJITOKEZA KUPIGA KURA.
JAMII YAHIMIZWA KUWAKATAA WANAOTAFUTA HAKI KWA KUVUNJA SHERIA