BENKI KUU YAWAGEUKIA WATENGENEZAJI, WAUZAJI ‘PUTTY’

Benki Kuu imetoa katazo hilo ilipokutana na wadau hao katika ofisi za Makao Makuu Ndogo ya Benki Kuu, Dar es Salaam, Januari 10, 2024 na kuwapa elimu ya utunzaji wa fedha na alama za usalama katika noti za Tanzania.

Wadau hao wamehimizwa kutunza vizuri sarafu na noti ili ziweze kukaa muda mrefu katika mzunguko na kuipunguzia serikali gharama kubwa inayotumia kutengenza na kuzichapisha.

Ili kutunza vizuri noti, wananchi wametakiwa kuepuka kuzikunja, kuzitoboa na kuziweka katika maeneo yenye unyevunyevu kwani kufanya hivyo kunachangia kwa kiasi kikubwa kuchakaza fedha kwa haraka.

Namna sahihi ya kutunza noti hizo ni kwa kuzihifadhi sehemu ambayo zinanyoka, haswa katika pochi (wallet) kwani kwa kufanya hivyo, noti zitaweza kudumu kwa muda mrefu katika mzunguko, amesema Bw. Erick John wakati akitoa mafunzo hayo ya alama za usalama katika fedha zetu.

Kwa upande wao washiriki wa mafunzo hayo wameishukuru Benki Kuu kwa kuwapa elimu hiyo na kuomba wadau zaidi waweze kufikiwa.

Aidha, kuhusu zoezi la uondoaji wa matoleo ya zamani ya fedha katika mzunguko, Bw. Erick amewahimiza wananchi wote wenye fedha zilizoainishwa katika tangazo la serikali kuzipeleka Benki Kuu au benki za biashara ili waweze kubadilishiwa na kupewa fedha zinazoendelea kuwa katika mzunguko, kwa thamani ya fedha watakazopeleka.

Zoezi la ukusanyaji wa fedha za zamani limeanza Januari 6, 2025 na litatamatika Aprili 5, 2025. Baada ya hapo, fedha zote zilizotangazwa kuondolewa katika mzunguko zitakosa uhalali wa kutambulika katika matumizi.