Serikali yaleta mpango wa kuimarisha mifumo ya utoaji wa huduma za maji na usafi wa mazingira nchini.

Serikali imezindua mpango wa kuimarisha mifumo ya utoaji wa huduma za maji na usafi wa mazingira nchini chini ya mradi  wa Shirika lisilo la kiserikali la kimataifa kutoka nchini wingereza SNV kwa kipindi cha miaka minne.

Hafla hiyo ya uzinduzi imefanyika na Katibu mkuu wizara ya Maji Mwajuma waziri jijini Dodoma.

Waziri amesema kuwa Shirika la SNV linafanya kazi katika nchi 20 duniani huku Tanzania ikifanya nao kazi kwa kipindi cha miaka 50 kwenye miradi mitatu tofauti ikiwemo sekta ya Maji,kilimo na nishati ambayo ni uti wa mgongo wa maendeleo ya uchumi wa nchi yetu na kupunguza umaskini.

"SNV imekuwa ikifanya kazi katika maeneo tofauti ikiwa ni pamoja na mzunguko wa Maji Endelevu ya Mijini unaojumuisha Usafi wa Mazingira na safisha ya Vijijini inayostahimili hali ya hewa, Usimamizi wa Rasilimali za Maji na umwagiliaji Endelevu Jumuishi." Amesema Waziri 
Amesema kuwa kati ya mipango ya hivi karibuni ya shirika la SNV katika sekta ya maji ni kuweka mpango wa wash maji ambao utatekelezwa kwa kipindi cha miaka 6 kwenye mikoa ya Arusha na Shinyanga.

Waziri amesema mpango huo unaenda kusaidia watu zaidi ya laki 2 kwenye kuboresha ya huduma bora za usafi wa mazingira.

Aidha amewataka wadau wengine kuendelea kuunga mkono jitihada zinazofanywa na serikali ili kuweza kufanya utekelezaji wa programu hii kuwa na mafanikio makubwa

Kwa upande wake mwakilishi wa shirika la SNV nchini Tanzania Gloria Kafuria amesema mlengo wao ni kuhakikisha wakala wa maji na mazingira vijini (Ruwasa) wanatoa huduma kitaalam na kuhakikisha mifumo na miondo inatoa huduma kwa wananchi ndani muda.

Vilevile amesema baada ya mradi huo kukamilika kutakuwa na mifumo endelevu japokuwa mifumo ipo ila inahitaji kuboreshwa zaidi ili kuepukana na magonjwa yanayoweza kuepukika.

Kwa upande wa washiriki wakiwakilishwa na Mbogo Fungakamba aliyekuwa katibu mkuu wa wizara ya Maji amesema kuwa serikali inatakiwa itoe elimu kwa wananchi ili kwenda sambamba na mpango huo wa kuinusuru jamii dhidi ya magonjwa yanayo epukika.