RAIS Dkt.Samia Suluhu Hassan atarajiwa kuzindua rasmi mfuko wa mikopo kwa ajili ya kusaidia bunifu na teknolojia zinazobuniwa na vijana wa Kitanzania,ambapo atakabidhi hundi ya Shilingi bilioni 6.3 kwa watafiti 19 na atawatambua na kutoa tuzo maalumu kwa wanasayansi na wabunifu ambao matokeo ya kazi zao yamechangia kuleta mabadiliko ya kiuhumi na kijamii, ndani na nje ya nchi.
Dkt.Samia anatarajia kufanya hayo akiwa mgeni rasmi katika Kongamano la Tisa la Kitaifa la Sayansi, Teknolojia na Ubunifu linalofanyika kila mwaka chini ya uratibu wa Tume ya Taifa ya Sayansi na Teknolojia (COSTECH).
Ambalo linatarajiwa kufanyika kuanzia Disemba 2 hadi 4,2024, katika Ukumbi wa Mikutano wa Kimataifa wa Julius Nyerere (JNICC), Jijini Dar es Salaam,linalokwenda na Kauli mbiu ya Kongamano kwa mwaka huu kuwa ni"Matumizi ya Sayansi, Teknolojia na Ununifu katika Kuhimili Changamoto za Mabadiliko ya Tabianchi na Kuchangia kwenye Uchumi Shindani”.
Hayo yamesemwa jijini hapa leo,Novemba 6,2024 na Waziri Wa Elimu, Sayansi Na Teknolojia, Profesa Adolf Mkenda wakati akizungumza na waandishi wa habari kuhusu Kongamano hilo .
Prof.Mkenda amesema Kongamano hilo linalenga kuwaleta pamoja watafiti, wabunifu, na wadau kutoka sekta mbalimbali, ndani na nje ya nchi ili kujadili kubadilishana uzoefu na kuweka mikakati ya pamoja ya kuimarisha mchango wa Sayansi, teknolojia na ubunifu katika maendeleo ya kiuchumi na kijamii.
Amesema kupitia Kongamano hilo Serikali itapata michango ya kisera na kitaalamu ambayo itasaidia kuimarisha sera, mikakati, na juhudi nyingine zinazolenga kuimarisha mchango na mshikamano baina ya taasisi, sekta binafsi, na wadau wa maendeleo katika kuendeleza Sayansi, Teknolojia na Ubunifu kama nyenzo kuu ya kukuza uchumi na kuboresha maisha ya watanzania.
"ili kufanikisha na kufikia malengo yaliyokusudiwa, nitumie fursa hii kuwaalika Watanzania wote pamoja na wadau mbalimbali kutoka sekta ya umma na binafsi, ndani na nje ya nchi, kushiriki Kongamano hili la STICE na hata wale watakaoshindwa kuhudhuria kwasababu tofauti tofauti wafuatulie kongamano hili kwenye luninga kwasababu litakuwa mubashara,
"Ushiriki wenu ni muhimu sana katika kuleta mawazo na mikakati mipya, kuimarisha utafiti na ubunifu, na kuhakikisha kuwa matokeo ya utafiti na ubunifu yanajibu mahitaji na kutatua changamoto za maendeleo ya kiuchumi na kijamii,"amesema Prof.Mkenda.
INEC YAWANOA Ma-OCD KUHUSU SHERIA ZA UCHAGUZI
DKT. BITEKO ataka TANESCO kuongeza kasi utekelezaji miradi ya umeme wa gridi
"Hatutawavumilia wanaochochea Machafuko Nchini" Rais Dkt.Samia Suluhu Hassan
VIJANA NDIO WALINZI WA NCHI HII: MEJA JENERALI RAJABU MABELE
MONGELLA ATARAJIA KUFANYA ZIARA SHINYANGA.
TAASISI ZA UMMA ZAHIMIZWA KUTENGA ASILIMIA 30 YA BAJETI YA MANUNUZI KWA AJILI YA WANAWAKE NA MAKUNDI MAALUM.
NIC YAZINDUA KAMPENI YA NIC KITAA ILI KUTOA ELIMU YA BIMA KWA WANANCHI.
DCEA YABAINI WAFANYABIASHARA WA SHISHA WANAOCHANGANYA BIDHAA HIYO NA DAWA ZA KULEVYA.
TUKIFANYA KAZI KWA PAMOJA TUTAPATA WATALII WA KUTOSHA UKANDA WA KARIBE NA MAENEO JIRANI - BALOZI POLEPOLE
DIAMOND ASIFIA UWEKEZAJI WA VIDEO YA "OLOLUFEMI"
MABADILIKO YA TABIA YA NCHI CHANZO CHA KUPUNGUZA UZALISHAJI WA MAZAO
TAASISI ZA UMMA ZAHIMIZWA KUTENGA ASILIMIA 30 YA BAJETI YA MANUNUZI KWA AJILI YA WANAWAKE NA MAKUNDI MAALUM.
SERIKALI IMEJIPANGA KUHAKIKISHA HADI IFIKAPO 2030 ASILIMIA 80% YA WATANZANIA WANATUMIA NISHATI SAFI YA KUPIKIA.
TRENI YA MCHONGOKO KUSIMAMA KWA SAA SITA NI HUJUMA:TRC
AWESO,BASHUNGWA WAJADILI MIKAKATI KUTATUA CHANGAMOTO YA MAJI KATIKA JIJI LA TANGA.