MWENYEKITI wa Kamati ya Itifaki ya Maonesho ya Wakulima na Wafugaji (Nanenane) Kitaifa mwaka 2025, ambaye pia ni Mkuu wa Wilaya ya Mkalama, Moses Machali, amewataka wafugaji wa samaki nchini kujitokeza kwa wingi kutembelea mabanda ya taasisi za elimu ili kujifunza teknolojia mpya zinazoboresha sekta hiyo.
Akizungumza baada ya kutembelea mabanda mbalimbali kwenye maonesho hayo yanayoendelea katika viwanja vya Nzuguni jijini Dodoma, Machali alisema amevutiwa na ubunifu wa mabinti wanaojihusisha na utengenezaji wa mafuta asilia yanayosaidia kuondoa mikunjo ya ngozi.
Machali pia alieleza kufurahishwa na teknolojia mpya inayotumika katika ufugaji wa samaki, ikiwemo mashine maalum zinazotumika kukamata vifaranga vya samaki bila kutumia mikono, hatua ambayo husaidia kupunguza vifo vya samaki wachanga ambavyo kwa kawaida hujitokeza endapo wanashikwa kwa mikono.
Amesisitiza kuwa matumizi ya teknolojia hizo ni muhimu kwa wafugaji wote wa samaki ili kuboresha uzalishaji na kuokoa mifugo midogo isiyokomaa.
Katika hatua nyingine, Machali amelitaja Banda la Chuo Kikuu cha Dar es Salaam kupitia Ndaki ya Masuala ya Kilimo na Teknolojia, kuwa ni eneo muhimu kwa wakulima na wafugaji kutembelea na kujifunza teknolojia mbalimbali zinazohusiana na kilimo cha kisasa.
Ameeleza kuwa moja ya teknolojia za kuvutia zinazopatikana katika banda hilo ni mtandao wa kidijitali unaowaunganisha wakulima moja kwa moja na maafisa ugani, kwa njia inayofanana na mfumo wa kuomba usafiri kwa kutumia simu za mkononi.
Maonesho ya Nanenane mwaka 2025 yameendelea kuvutia washiriki kutoka sekta mbalimbali, yakiongozwa na kaulimbiu isemayo: “Chagua Viongozi Bora kwa Maendeleo Endelevu ya Kilimo, Mifugo na Uvuvi.”
SERIKALI YAFUNGUA MILANGO YA FURSA, KWA WAKULIMA WA MWANI TANGA
EQUITY BANK YAINGIA MKATABA NA KAMPUNI YA BAJAJ KWA AJILI YA KUWASAIDIA WAKULIMA
Kilundumya Aipongeza e-GA Kwa Kuimarisha Ushirikiano na Sekta ya Kilimo Kuleta Mapinduzi Kidigitali.
Coop Benki na AGITIF Watenga Shilingi Bilioni 8.5 kwa Mikopo ya Wakulima Vijana na Vyama vya Ushirika.
TADB Yawawezesha Wakulima Wadogo Mikopo Yenye Dhamana Nafuu.
WAZIRI MKUU AWATAKA TRAMPA KUZINGATIA MAADILI YA KAZI KATIKA UTUNZAJI WA NYARAKA.
KASI YA UJENZI WA VIWANDA VYA KUONGEZA THAMANI MADINI YAONGEZEKA NCHINI TANZANIA
MGOMBEA UBUNGE JIMBO LA KAWE CCM AWAALIKA WANANCHI KUSHIRIKI UZINDUZI WA KAPMPENI AGOSTI 28.
MRADI WA TACTIC KUBADILISHA MANDHARI YA JIJI LA DODOMA
AHADI YA SERIKALI KUFIKISHA UMEME WA GRIDI KAGERA YATEKELEZWA
AHADI YA SERIKALI KUFIKISHA UMEME WA GRIDI KAGERA YATEKELEZWA
SERIKALI KUGHARAMIA MAZISHI YA WALIOFARIKI KATIKA AJALI YA MGODI NYANDOLWA.
MRADI WA TACTIC KUBADILISHA MANDHARI YA JIJI LA DODOMA
MGOMBEA UBUNGE JIMBO LA KAWE CCM AWAALIKA WANANCHI KUSHIRIKI UZINDUZI WA KAPMPENI AGOSTI 28.
WANANCHI WATAKIWA KUTUNZA AFYA ZAO KWA KUTUMIA NISHATI SAFI YA KUPIKIA.