DKT. MPANGO AIPONGEZA WIZARA YA NISHATI KWA USIMAMIZI MZURI WA MIRADI YA NISHATI | The Dodoma Post
The Dodoma Post Tanzania

DKT. MPANGO AIPONGEZA WIZARA YA NISHATI KWA USIMAMIZI MZURI WA MIRADI YA NISHATI

Makamu wa Rais, Mhe. Dkt Philip Isdor Mpango ameipongeza Wizara ya Nishati kwa usimamizi madhubuti wa miradi mbalimbali ya Sekta ya Nishati hususan miradi ya umeme ambayo inapelekea nchi kuzidi kujiimarisha kiuchumi.

Mwandishi Wetu
By Mwandishi Wetu
08 Jul 2024
DKT. MPANGO AIPONGEZA WIZARA YA NISHATI KWA USIMAMIZI MZURI WA MIRADI YA NISHATI

Dkt. Mpango ametoa pongezi hizo leo leo Julai 8,  2024  wakati alipokagua utekelezaji wa  mradi wa ujenzi wa njia kuu ya kusafirisha umeme wa msongo wa Kilovoti 132 kutoka Tabora hadi Kigoma yenye urefu wa Kilomita 395 pamoja na ujenzi wa kituo cha kupokea, kupoza na kusambaza umeme cha Nguruka na na Kidahwe vilivyoko mkoani Kigoma.

Akiwa kwenye kituo cha kupoza umeme cha Nguruka ambacho ujenzi wake umefikia asilimia 95, Dkt. Mpango ameiagiza Wizara ya Nishati kupitia TANESCO kuhakikisha ifikapo mwezi Septemba mwaka huu Kigoma iwe imeungwa kwenye Gridi ya Taifa ya umeme na hivyo kutatua changamoto ya upatikanaji wa umeme ambao umekuwa ukirudisha nyuma shughuli za uwekezaji kwenye mkoa huo.

‘’Nimpongeze Naibu Waziri Mkuu na Waziri wa Nishati, Dkt. Doto Biteko kwa kuisimamia vyema sekta hii, na pia niwapongeze sana TANESCO kwa kazi nzuri mnayofanya ila ni muhimu sasa  mkahakikisha Mkoa wa Kigoma unaingia kwenye Gridi ya Taifa ili kuufungua  mkoa huu kiuchumi." Amesema Dkt Mpango

Kwa upande wake,  Naibu Waziri wa Nishati, Mhe. Judith Kapinga  amemshukuru Makamu wa Rais, kupitia Serikali inayoongozwa na Mhe. Dkt Samia Suluhu Hassan kwa kutenga fedha za kutosha kuwezesha utekelezaji wa miradi mbalimbali hususan mradi wa ujenzi wa kituo cha kupoza umeme cha Nguruka na kuahidi kuendelea kusimamia miradi ya nishati ili kuhakikisha umeme unapatikana kwa uhakika kwa wananchi.

‘’ Nikuhakikishie Mhe Makamu wa Rais sisi Wizara ya Nishati tunakuhakikishia kuwa hatutakuwa kikwazo kwa wananchi kupata umeme bali tunaahidi kuwapatia umeme wa uhakika watanzania wote’.’ Amesema Mhe Kapinga

Ameongeza kuwa Wizara itaendelea kutekeleza miradi ya umeme ya kimkakati ikiwemo ujenzi wa mradi wa umeme wa Igamba Kidahwe hadi Malagarasi ambapo mpaka sasa mkandarasi ameshakabidhiwa eneo la mradi.

Mradi wa njia ya kusafirisha umeme msongo wa kilovoti 132 kutoka Tabora hadi Kigoma na kituo cha kupoza umeme cha Nguruka unatekelezwa na mkandarasi  kampuni ya TBEA kutoka China na unagharimu kiasi cha zaidi ya shilingi  bilioni 12  na ujenzi wa kituo  cha kupoza umeme cha Kidahwe  kitakachopokea umeme kutoka  Nyakanazi  unagharimu shilingi bilioni 5 na unatekelezwa na wataalam wa ndani kutoka  TANESCO.
.
Ujenzi huo ukikamilika utaunganisha Wilaya nne  za Mkoa wa Kigoma ambazo ni Kigoma Mjini, Buhigwe, Uvinza na Kasulu na pia kuongeza hali ya upatikanaji wa umeme kwa mkoa wa Kigoma kupitia Gridi ya Taifa.

RAIS SAMIA AFANYA UFUNGUZI WA JENGO LA HALMASHAURI YA WILAYA YA KALAMBO RUKWA.

RAIS SAMIA AFANYA UFUNGUZI WA JENGO LA HALMASHAURI YA WILAYA YA KALAMBO RUKWA.

RAIS SAMIA AELEZA JITIHADA ZA KUFUNGUA MKOA KATAVI KWA MIUNDOMBINU YA BARABARA

RAIS SAMIA AELEZA JITIHADA ZA KUFUNGUA MKOA KATAVI KWA MIUNDOMBINU YA BARABARA

ENG.MRAMBA ;TPDC SHIRIKISHENI SEKTA BINAFSI USAMBAZAJI GESI ASILIA.

ENG.MRAMBA ;TPDC SHIRIKISHENI SEKTA BINAFSI USAMBAZAJI GESI ASILIA.

MWELI AWATAKA VIJANA KUCHANGAMKIA FURSA KATIKA MIRADI YA KILIMO.

MWELI AWATAKA VIJANA KUCHANGAMKIA FURSA KATIKA MIRADI YA KILIMO.

EWURA YAHAMASISHA MATUMIZI YA GESI ASILIA KWENYE VYOMBO VYA MOTO.

EWURA YAHAMASISHA MATUMIZI YA GESI ASILIA KWENYE VYOMBO VYA MOTO.